Шымкент қаласының ЖИТС-тің алдын алу және оған қарсы күрес жөніндегі орталығында ҚР Денсаулық сақтау министрінің Бас мемлекеттік санитариялық дәрігерінің 2025 жылғы 22-ші тамыздағы «Тұмау және ЖРВИ жөніндегі 2025 – 2026 жылдардың эпидемиялық маусымына арналған санитариялық-эпидемияға қарсы іс-шараларды жүргізу туралы» №6 санды қаулысы негізінде семинар өткізілді.
Семинар барысында бас дәрігердің орынбасары, эпидемиолог Қ.Н. Маширов баяндама жасады. Тәжірбиелі маман баяндамасында тұмау және ЖРВИ эпидемиологиялық маусымның келе жатқанын айта келе, тұмаудың клиникасын, диагностикасын, емдеу жолдарын түсіндірді. Тұмауды алдын алу пайда болған ауруды емдеуге қарағанда әлдеқайда тиімдірек екеніне тоқталып, тұмауды алдын алуға бағытталған шараларды жыл бойы сақтауға кеңес берді. Сондай-ақ тұмаудың алдын алудың негізгі медициналық әдісі – Вакциналауға баса назар аударды.
