2026 жылғы 13 қазанда Шымкент қаласындағы №13 Мукими атындағы жалпы орта білім беретін мектепте дәріс өткізілді.
Дәрісті Шымкент қаласының денсаулық сақтау басқармасының «ЖИТС-тің алдын алу және оған қарсы күрес жөніндегі орталық» МКҚК профилактикалық жұмыстар бөлімінің мұғалімі А. Джарасбай өткізді.
Дәрістің мақсаты:
Оқушыларға АИТВ туралы жас ерекшелігіне сай түсінікті ақпарат беру, денсаулықты сақтаудың және алдын алу шараларын білудің маңызын түсіндіру.
Дәрістің барысы:
Дәріс барысында оқушыларға АИТВ ұғымы түсіндіріліп, оның адам ағзасына әсері туралы қысқаша мәлімет берілді. АИТВ-ның қандай жолдармен берілетіні және қандай жағдайда жұқпайтыны қарастырылды. Оқушыларға өз денсаулығына жауапкершілікпен қарау, қауіпсіздік ережелерін сақтау және сенімді ақпаратқа жүгіну жөнінде түсінік берілді. Дәріс соңында оқушылардың сұрақтарына жауап берілді.
Дәріс нәтижесінде оқушылар АИТВ туралы жаңа мәліметтер алып, инфекцияның алдын алу жолдарымен танысты. Дәріс барысында алған ақпараттарын күнделікті өмірде дұрыс қолданудың маңыздылығы түсіндірілді.
Автор: А. К. Джарасбай, педагог
