Шымкенттегі «Самал» базары - қаланың Орталық ауданында орналасқан ірі заманауи сауда орталығы болып табылады. Ірі магистральдардың торабында орналасқан. Жанында басқа аймақтарға тасымалдайтын автовокзал орналасқан. Жұмыс істейтін қызметкерлердің де, келушілердің де саны едәуір. Халықтың көп шоғырланған жерлерінің бірі болып табылады.
Шымкент қаласында Дүниежүзілік ЖИТС-тен құрбан болғандарды еске алу күніне орайластырылған онкүндік аясында акциялар өтуде. Акцияға Шымкент қаласының Денсаулық сақтау басқармасының «ЖИТС-тің алдын алу және оған қарсы күрес жөніндегі орталық» МКҚК-нің қызметкерлері жұмылдырылды.
«Самал» базарының келушілері мен қызметкерлері де акциядан таса қалмады. 15.05.2026 жылы күні іс шара өтті. Акция барысында орталықтың мамандары АИТВ-инфекциясын жұқтыру жолдары мен алдын алу шаралары, тестілеу мен өзінің АИТВ-мәртебесін білудің маңыздылығы туралы айтып, АИТВ-мен өмір сүретін адамдардың құқықтарын сақтау, стигма мен кемсітушілікке жол бермеу мәселелерін қозғады. Мамандардың айтуынша, аталған іс-шара халықтың назарын АИТВ-инфекциясының таралу мәселелеріне аударуға және жастарды қауіпсіз мінез-құлық формаларын қалыптастыруға ынталандыруға тағы бір мүмкіндік болып табылады
«Самал» базарының келушілері АИТВ-ға экспресс-тестілеуден өтті. АИТВ-ның алдын алу шаралары тақырыбында екі тілде радиоролик жүргізілді. Іс-шараны ЖИТС орталығының профилактикалық жұмыстар бөлімінің әлеуметтік қызметкері Г.Алтынбекова мен эпидемиолог көмекшісі А. Джолдасова ұйымдастырып, өткізді.
