АИТВ инфекциясының алдын алу және оның таралуын болдырмау мақсатында «Клиника Хадиша» жауапкершілігі шектеулі серіктестіктің клиникалық орталығында Шымкент қаласы ДСБ-ның «ЖИТС-тің алдын алу және онымен күрес жөніндегі орталық» МКҚК-ның профилактикалық жұмыстар бөлімінің меңгерушісі Ұ.Байдилдаеваның, эпидемиолог дәрігері А.Сагимбекованың қатысуымен медицина қызметкерлерінің арасында семинар өткізілді. Семинар барысында мамандар АИТВ/ЖИТС инфекциясының жұғу жолдары, алдын алу шаралары, ерте диагностиканың маңыздылығы, қауіпсіздік ережелерін сақтау және медициналық қызметкерлердің кәсіби қызметі кезінде инфекциялық қауіптердің алдын алу мәселелері жөнінде ақпарат берілді. Сонымен қатар апаттық жағдайлар туындаған кезде атқарылатын іс-шаралар алгаритмі түсіндірілді. Семинар соңында қызметкерлер өздерін қызықтырған сұрақтарын қойып, мамандардан толыққанды жауап алды. Мұндай іс-шаралар медицина қызметкерлерінің білім деңгейін арттыруға, инфекциялардың алдын алу бойынша сауаттылықты күшейтуге және қауіпсіз еңбек жағдайын қамтамасыз етуге септігін тигізеді.
