ҚР ДСМ және "Зертханалық медицина федерациясы" Қоғамдық Бірлестігінің қолдауымен 2025 жылғы 19-20 қыркүйекте Астана қаласында VII Ұлттық Зертханалық медицина форумы (бұдан әрі-Форум) өткізілді. Ұлттық Зертханалық медицина форумы "Астана медицина университеті "КЕАҚ;"денсаулық сақтауды дамытудың Ұлттық ғылыми орталығы" ШЖҚ РМК клиникалық Зертханалық диагностика және қолдау жөніндегі бас штаттан тыс маманның ұйымдастыру-әдістемелік жұмысы шеңберінде өткізілді.
Форумның мақсаты тәжірибе алмасу, әлемдік тәжірибені, зертханалық медицина мен заманауи технологияларды практикаға енгізудің өзекті мәселелерін талқылау.
Форумның шеңберінде зертханалық диагностиканың жаңа әдістеріне арналған дәрістер, шеберлік сыныптар мен семинарлар өткізілді.
Форумға аумақтық қоғамдық денсаулық сақтау басқармаларына медициналық зертханалардың мамандары (клиникалық-диагностикалық зертханалардың меңгерушілері, зертханалық диагностика жөніндегі бас штаттан тыс мамандар, зертханашылар дәрігерлері, жоғары медициналық емес білімі бар зертханалардың мамандары, зертханашылар) шақырылды. Шымкент қаласынан ЖИТС орталығының диагностикалық зертхана меңгерушісі Г.Қысмұратова, зертхана маманы Ж.Байсалбаева қатысты.
Форумда жаһандық сын-қатерлер жағдайында зертханалық диагностиканы дамытудың, тәжірибе алмасудың және заманауи технологияларды практикаға енгізудің өзекті мәселелері көтерілді. Онда ТМД және басқа елдердің зертханалық диагностикасы саласындағы жетекші сарапшылары мен мамандары зертханалық медицина саласындағы жаңа жетістіктерді талқылады және тәжірибе алмасты.
ЖИТС орталығының диагностикалық зертхана меңгерушісі Г.Қысмұратова: «Форум біліктілігімді шыңдап, жаңа әдістермен және технологиялармен танысуға, сондай-ақ басқа өңірлердің әріптестерімен кәсіби байланыс орнатуға септігін тигізді. Бұл жинақтаған тәжірбиелер диагностикалық зертхана саласында үздік нәтижелерге қол жеткізетініне сенімдімін», - деді.
Бүгінде ЖИТС орталығының диагностикалық зертханасының өндірістік қуаты – тәулігіне 2000-нан астам тексеру жүргізеді. Шымкент қаласы бойынша алғашқылардың қатарында «Медициналық зертханалар. Сапа мен біліктілікке қойылатын талаптар» ҚР СТ ISO 15189-2015 талаптарына сәйкес аккредиттелген, заманауи құралдармен жабдықталған, АИТВ диагностикасында 4 буынды сезімтал тесттер қолданылады.
АИТВ –мен ауратын науқастарға қажетті зертханалық тексерудің барлық түрі: қанның жалпы талдауы, гематология, биохимиялық қан анализін зерттеу, зәр анализі, ИФА, , ИХЛА анализаторы арқылы (хемилюминесценциялық иммундық талдау (CLIA) әдісі арқылы диагностика жүргізу), ПЦР, ПАП-тест,цитометрия (иммунитет деңгейін анықтау) өз деңгейінде жүргізіледі.
