21 шілдеде Шымкент қаласында ЖИТС орталығының мамандары «Ана мен бала» РО - мен бірлесіп, АИТВ - ның оң мәртебесі бар балаларда антиретровирустық терапияға (АРТ) бейімділік мәселелері бойынша консилиум өткізді.
АИТВ бар балаларда өмірлік маңызы бар АРТ жүргізу және мониторингілеу аспектісінде дәрігер - инфекционист Э. Имангалеева АИТВ бар балаларда АРТ - ға бейімділікті тағайындау, бағалау және мониторингілеу мәселелерін қамти отырып, барлық жағдайларды «Ана мен бала» Реабилитациондық орталығының қызметкерлерімен бірге талдай отырып, ұйымдастыру - әдістемелік көмек көрсетті. Айта кету керек, вирустық жүктемесі жоғары және АРТ - ға бейімділігі төмен пациенттерде антиретровирустық препараттарға төзімділіктің даму ықтималдығы өте жоғары, үздіксіз емдеусіз пациенттердің денсаулығы мен өміріне қауіп төнетіні туралы ерекше аталып өтті.
Әрбір жағдай бойынша пациенттерді одан әрі жүргізу, препараттарды қабылдауға бейімділікті сақтау, балалардың ата - аналарына тұрақты негізінде АИТВ сұрақтары бойынша консультация беру, балалардың аналарымен, АРТ маңыздылығы туралы ақпараттық материалдармен қамтамасыз ету және балада иммунитетті сақтау, ауыр инфекциялар дамуының алдын алу бойынша ұсынымдар берілді.
- «Балаларда АИТВ диагностикалау жіне емдеу хаттамаларын сақтау, әсіресе, АРТ - ға бейімділік тұрғысынан алғанда, баланың денсаулығын сақтауды қамтамасыз етуге мүмкіндік береді және біздің ортақ басым міндетіміз болып табылады», - деп инфекционист дәрігер Э. Имангалеева атқарылған жұмысты қорытындылады.
