06.11.2026ж. Шымкент қаласы №77 А.Асқаров атындағы мектеп-лицейде дәріс өткізілді.
Шымкент қаласының денсаулық сақтау басқармасының «ЖИТС-тің алдын алу және оған қарсы күрес жөніндегі орталық» МКҚК-нің профилактикалық жұмыстар бөлімінің мұғалімі А.Джарасбай дәріс өткізді.
Дәрістің мақсаты: Оқушыларға АИТВ және ЖИТС туралы түсінік беру, олардың айырмашылығын, жұғу жолдары мен алдын алу шараларын түсіндіру. Денсаулыққа жауапкершілікпен қарауға және АИТВ-мен өмір сүретін адамдарға құрметпен қарау мәдениетін қалыптастыру.
Дәрістің барысы: Оқушыларға АИТВ және ЖИТС туралы негізгі ақпарат беріліп, олардың айырмашылығы түсіндірілді. Инфекцияның жұғу жолдары, жұқпайтын жағдайлар, алдын алу шаралары және емделудің маңыздылығы айтылды. Оқушылардың тақырыпқа қызығушылығын арттыру мақсатында сұрақ-жауап жүргізілді.Оқушылар өз ойларын ортаға салып, сұрақтарына жауап алды.
Нәтижесі: Дәріс нәтижесінде оқушылар АИТВ және ЖИТС туралы білімдерін толықтырып, инфекцияның жұғу жолдары мен алдын алу шараларын түсінді. Денсаулықты қорғаудың маңыздылығын ұғынып, АИТВ туралы жалған ақпараттарды ажыратуға үйренді. Сонымен қатар, АИТВ-мен өмір сүретін адамдарға түсіністікпен қарап, кемсітушілікке жол бермеудің маңызын түсінді.
Автор: А.К.Джарасбай педагог
