Шымкент қаласының денсаулық сақтау басқармасының «ЖИТС-тің алдын алу және оған қарсы күрес жөніндегі орталық» МКҚК 2026 жылғы 08 қазанда Шымкент қаласы Индустриалды-техникалық колледжінде дәріс өткізді.
Дәрісті Шымкент қаласының денсаулық сақтау басқармасының «ЖИТС-тің алдын алу және оған қарсы күрес жөніндегі орталық» МКҚК профилактикалық жұмыстар бөлімінің мұғалімі А. Джарасбай өткізді.
Дәрістің мақсаты:
АИТВ туралы дұрыс түсінік қалыптастыру, оның таралу жолдары мен алдын алу тәсілдерін түсіндіру және қатысушылардың ақпараттық сауаттылығын арттыру.
Дәрістің барысы:
Іс-шара барысында АИТВ және ЖИТС ұғымдары түсіндіріліп, олардың негізгі ерекшеліктері айтылды. Қатысушыларға АИТВ-ның берілу жолдары, алдын алу әдістері және медициналық тексеруден өтудің маңыздылығы туралы ақпарат ұсынылды. Сонымен қатар АИТВ туралы қоғамда кездесетін қате пікірлер талқыланып, олардың шынайы ақпараттан айырмашылығы түсіндірілді.
Іс-шара нәтижесінде қатысушылар АИТВ туралы нақты ақпарат алып, алдын алу шаралары жөніндегі білімдерін толықтырды. Дұрыс ақпараттың инфекцияның алдын алуда маңызды рөл атқаратыны қорытындыланды.
Автор: А. К. Джарасбай педагог
