Шымкент қаласының ДСБ «ЖИТС-тің алдын алу және оған қарсы күрес жөніндегі орталық» МКҚК ұжымы ҚР Тәуелсіздігінің 30 жылдығын атап өтті. Іс-шара барысында: отыз жыл ішінде еліміздің ЖИТС-ті диагностикалау, емдеу және профилактикасындағы жетістіктері жайында бейнеролик көрсетіліп, баяндама оқылды. Қазақстан Республикасының Тәуелсіздік күніне орай, орталықтың мамандары сіңірген еңбектері үшін марапатталды. Эпидемиолог дәрігер Байділдаева Ұ.С. Қазақстан Республикасы Президентінің 2021 жылғы 2 желтоқсандағы Жарлығы бойынша «Халық алғысы» медалімен наградталды. Орталықтың Кәсіподақ ұйымының төрайымы Абдрашова Г.Ш. Шымкент қаласының әкімінен «Алғыс хатпен», Ақпараттық және АИТВ індетін компьютерлік бақылау бөлім меңгерушісінің міндетін атқарушы Жумашев К.О., бас есепшінің міндетін атқарушы Усенбаев Е. Ж., эпидемиолог көмекшісі Джанабаева Л.М. Шымкент қаласы ДСБ – ның «Құрмет грамотасымен» марапатталды.
Автор: Ахмедова Э.С., ЖИТС орталығының маманы
