АИТВ инфекциясының таралуы жаһандық сипатқа ие болды және Әлемнің көптеген елдерінің әлеуметтік-экономикалық дамуына қауіп төндірді. АИТВ/ ЖИТС-тің таралу қарқыны әлі де тоқтамай келеді. ЖИТС-тен қайтыс болғандарды еске алу күні Дүниежүзінде жыл сайын мамырдың үшінші жексенбісінде, ал соңғы екі жылда COVID-19 пандемиясы жағдайында өткізілуде.
Іс-шара ЖИТС-тың таралуын тоқтату, қоғамды АИТВ/ЖИТС-ті жұқтырған адамдардың проблемаларына назарларын аударту және АИТВ/ЖИТС-тің алдын-алу жұмыстарын күшейту жолымен жүргізіледі.
Алғаш рет ЖИТС құрбандарын еске алу күні 1983 жылы Американың Сан-Франциско қаласында атап өтілді. Бірнеше жылдан кейін осы ауруға қарсы қозғалыстың символы пайда болды. ЖИТС-тен құрбан болған көптеген адамдарды еске алу үшін киімге тағылатын қызыл лента, сондай-ақ маталардың кесінділерінен тігілген түрлі-түсті киімдер болды. Бұл төлсипаттарды суретші Франк Мур 1991 жылы ойлап тапты. Қазіргі уақытта Дүниежүзінде ЖИТС-тен құрбан болғандарды еске алу күнінде осы іс-шараның белсенділері, ЖИТС-тен құрбан болғандарға бей-жай қарамайтын адамдар киім-кешектеріне қызыл ленталар тағады.
Эпидемия басталғалы бері 77, 3 миллион адам АИТВ-ны жұқтырған. Және аталмыш жылдан бастап ЖИТС-пен ілеспелі аурулардан 35 миллион адам қайтыс болды.
Статистикаға сәйкес, планетада 42 миллионнан астам адам жұқпалы АИТВ-мен өмір сүреді. Олардың ішінде 21,7 миллион адам антиретровирустық терапия алады.
Қазіргі уақытта ағзадан вирусты толығымен жоятын дәрілік заттар жоқ. Сондықтан АИТВ/ ЖИТС-тен науқасты толық емдеу мүмкін емес. Бірақ адамның өмірінің сапасын жақсартатын, ұзартатын препараттар бар. АИТВ инфекциясының таралуын шектеудің негізгі механизмі инфекцияның алдын алу болып табылады. Әр адам АИТВ-инфекциясының жұғу жолдарын, қалай тексерілетінін және жұқтырудан қалай қорғану керектігін білуі қажет.
Шымкент қаласының ЖИТС орталығы да COVID-19 пандемиясына қарамай бұл іс-шараға белсенді қатысуда, онлайн түрде халықтың назарын аудару мақсатында Халықаралық ЖИТС-тен қайтыс болғандарды еске алу науқанын қолдауда.
Орындаушы: Ахмедова Э.С. ЖИТС орталығының маманы
