Шымкент қаласы «Жастар ресурстық орталығы» КММ-нің Аутрич және NEET жастармен жұмыс бөлімінің ұйымдастыруымен жастар арасында нашақорлықтың, маскүнемдіктің және АИТВ/ЖИТС–тің алдын алу мақсатында арнайы сала мамандарының қатысуымен кездесу өтті.
Кездесудің мақсаты - АИТВ/ЖИТС–тің және нашақорлықтың алдын алу, салауатты өмір салтын ұстанып жастарды спортқа баулу.
Аталмыш кездесуге ШЖҚ Психикалық денсаулық орталығының дәрігер психиатр-нарколог маманы Садыкова Майра, Шымкент қаласының №3 жоғары спорт шеберлігі мектебінің басшысының орынбасары Аитов Руслан. Шымкент қаласының №3 жоғары спорт шеберлігі мектебінің жаттықтырушысы Садыков Бахтияр, Шымкент қаласының №3 жоғары спорт шеберлігі мектебінің спортшысы Азия чемпиондары Сейітжаббаров Берік пен Сұлтанбекова Мадина және ЖИТС-тің алдын алу және оған қарсы күрес жөніндегі орталық маманы Жүргенбаева Назира қатысты.
Кездесу Әлеуметтік-педагогикалық колледжінде өтті.
Кездесу барысында қатысушылар арасында нашақорлықтың, АИТВ/ЖИТС-тің алдын алу мәселелері жайында толыққанды ақпараттар беріліп, жаман әдеттерден аулық болып жақсы істермен айналысуға шақырды. Сонымен қатар спорт мектебінің спортшылары жастарды салауатты өмір салтын ұстанып спортпен айналысуға шақырды.
